remem.me

“lekin agar ham apne gunāhoṅ kā iqrār kareṅ to wuh wafādār aur rāst sābit hogā. wuh hamāre gunāhoṅ ko muāf karke hameṅ tamām nārāstī se pāk-sāf karegā.”
‭‭1-yūhannā‬ ‭1:9‬ ‭RGV‬‬

“chunāṅche jo masīh meṅ hai wuh nayā maḳhlūq hai. purānī zindagī jātī rahī aur naī zindagī shurū ho gaī hai.”
‭‭2-kurinthiyoṅ‬ ‭5:17‬ ‭RGV‬‬

“kyoṅki wuhī hameṅ tārīkī ke iḳhtiyār se rihāī (deliver) de kar apne pyāre farzand kī bādshāhī meṅ lāyā, us wāhid shaḳhs ke iḳhtiyār meṅ jis ne hamārā fidyā de kar hamāre gunāhoṅ ko muāf kar diyā.”
‭‭kulussiyoṅ‬ ‭1:13-14‬ ‭RGV‬‬

“tum kyoṅ mujhe ‘ḳhudāwand, ḳhudāwand’ kah kar pukārte ho? merī bāt par to tum amal nahīṅ karte.”
‭‭lūqā‬ ‭6:46‬ ‭RGV‬‬

“wuh bolā, “muqarrarā waqt ā gayā hai, allāh kī bādshāhī qarīb ā gaī hai. taubā karo aur allāh kī ḳhushḳhabrī par īmān lāo.””
‭‭marqus‬ ‭1:15‬ ‭RGV‬‬

“tang darwāze se dāḳhil ho, kyoṅki halākat kī taraf le jāne wālā rāstā kushādā aur us kā darwāzā chauṛā hai. bahut-se log us meṅ dāḳhil ho jāte haiṅ. lekin zindagī kī taraf le jāne wālā rāstā tang hai aur us kā darwāzā chhoṭā. kam hī log use pāte haiṅ.”
‭‭mattī‬ ‭7:13-14‬ ‭RGV‬‬

“yānī yih ki agar tū apne muṅh se iqrār kare ki īsā ḳhudāwand hai aur dil se īmān lāe ki allāh ne use murdoṅ meṅ se zindā kar diyā to tujhe najāt milegī. kyoṅki jab ham dil se īmān lāte haiṅ to allāh hameṅ rāstbāz qarār detā hai, aur jab ham apne muṅh se iqrār karte haiṅ to hameṅ najāt miltī hai.”
‭‭romiyoṅ‬ ‭10:9-10‬ ‭RGV‬‬

“maiṅ unheṅ abadī zindagī detā hūṅ, is lie wuh kabhī halāk nahīṅ hoṅgī. koī unheṅ mere hāth se chhīn na legā,”
‭‭yūhannā‬ ‭10:28‬ ‭RGV‬‬

“tum mujhe ‘ustād’ aur ‘ḳhudāwand’ kah kar muḳhātib (address) karte ho aur yih sahīh hai, kyoṅki maiṅ yihī kuchh hūṅ.”
‭‭yūhannā‬ ‭13:13‬ ‭RGV‬‬