remem.me

Yesu Masih Ki Buden

Aur yih rasulon se talim pane, aur rifaqat rakhne men, aur roti torne aur dua mangne men mashgul rahe.
Aur har shakhs par khauf chha gaya, aur bahut se ajib kam aur nishan rasulon ke zarie se zahir hote the.
Aur jo iman lae the, wuh sab ek jagah rahte the, aur sari chizon men sharik the;

Yesu Masi Ka Kalam

Agar tum mujh men qaim raho, aur meri baten tum men qaim rahen, to jo chaho, mango; wuh tumhare liye ho jaega

29 Yisu ne jawab diya, ki awwal yih hai; Ai Israel, sun; Khudawand hamara Khuda ek hi Khudawand hai. 30 Aur tu Khudawand apne Khuda se apne sare dil, aur apni sari jan, aur apni sari aql, aur apni sari taqat se mahabbat rahk. 31 Dusra yih hai, ki tu apne parausi se apne barabar mahabbat rakh. In se bara aur koi hukm nahin.

“Yisúʻ ne jawáb diyá, ki Awwal yih hai; Ai Isráíl, sun: Ḳhudáwand hamárá Ḳhudá ek hí Ḳhudáwand hai: aur tú Ḳhudáwand apne Ḳhudá se apne sáre dil, aur apní sárí ján, aur apní sárí ʻaql, aur apní sárí táqat se mahabbat rakh. Dúsrá yih hai, ki Tú apne paṛausí se apne barábar mahabbat rakh. In se baṛá âur koí hukm nahíṉ.”

Isa kí bádsháhat

“Us ne ek âur tamsíl un ke sámne pesh karke kahá, ki Ásmán kí bádsháhat us ráí ke dáne kí mánind hai, jise kisí ádmí ne lekar apne khet meṉ bo diyá: wuh sab bíjoṉ se chhoṭá to hai, magar jab baṛh játá hai, to sab tarkáriyoṉ se baṛá hotá hai, aur aisá daraḳht ho játá hai, ki hawá ke parande ákar us kí ḍáliyoṉ par baserá karte haiṉ.”

Isa Ki Badshahot

“balki tum pahle us kí bádsháhat aur us kí rástbází kí talásh karo, to yih sab chízeṉ bhí tumheṉ mil jáeṉgí.”

Us waqt Yisu ne apne shagirdon se kaha, ki agar koi mere piche ana chahe, to apni khudi se inkar kare, aur apni salib uthae aur mere piche ho le.

Yesu Masih Ki Buden

Kyunki jahan do ya tin mere nam par ikatthe hain, wahan main un ke bich men hun

18 Yisu ne pas akar un se baten kin, aur kaha, ki asman aur zamin ka kull ikhtiyar mujhe diya gaya hai. 19 Pas tum jakar sab qaumon ko shagird banao, aur unhe bap aur bete, aur ruhul quds ke nam pur baptisma do. 20 Aur unhen yih talim do, ki un sub baton par amal karen jin ka main ne tum ko hukm diya; aur dekho, main duniya ke akhir tak hamesha tumhare sath hun.

Aur un se kaha, ki mere piche chale ao, to main tumhen admion ka pakarnewala banaunga. Wuh fauran jal chhorkar us ke piche ho liye.

Lekin jab ruhul quds tum par nazil hoga, to tum qawwat paoge; aur Yarushalem aur tamam Yahudia, aur Samariya men, balki zamin ki intiha tak, mere gawah hoge.